Sitka – Pøbelgrannoveller

Mange kjenner Sitkagrana, også kalla pøbelgran. Etterkvart som slik skog har vakse til, gjev den liten plass til anna liv. Tittelen på Ane Barmen si novellesamling (2024)  – høver svært godt: Alle novellene skildrar hendingar og situasjonar som på ulikt vis er uønska, eller som stikk.  Forfattaren tek likevel lesaren lett med seg, ho skriv med både snert og humor, varme og sårhet.  
Ane Barmen kjem opprinneleg frå Vågsøy kommune.  Den første boka hennar “Draumar betyr ingenting” kom i 2019, og ga henne Brageprisen for beste barne- og ungdomsbok, og sidan har ho gitt ut vaksenromanen “Pappa var nesten på Woodstock” og barneboka “Tone!” Ein allsidig forfattar å merke seg! Denne novellesamlinga er vel verd å lese, og det vert spennande å følgje med  forfattaren vidare.

Boktipset er skrive av Torill Berge ved Gloppen folkebibliotek

Kategorier: 

Boktips til vaksne, 

E-bok