Ønsk meg heller god tur : samtaler med Ingvar Ambjørnsen

Ingvar Ambjørnsen er ramma av lungesjukdommen kols og takker nei til det meste av førespurnader. Men Alf van der Hagen får innpass hos forfattaren i Hamburg, og saman snakkar dei seg gjennom livet og bøkene til Ingvar Ambjørnsen. Det vart til samtaleboka «Ønsk meg heller en god tur» frå 2023. Ifylgje Ambjørnsen blir dette det siste intervjuet han gjev.

Ein folkeleg outsider er ein uvanleg kombinasjon, men Ambjørnsen har meistra kunststykket å nå ut til mange lesarar med bøker om menneske som lev liv utanfor samfunnet. Fyrste roman, 23-salen (1981), skildra livet på ein psykiatrisk avdeling. Boka var basert på Ambjørnsens eigen erfaring som tilsett på sjukehus. Det var også bøkene han skreiv om hasjsal og rusmiljø. Gjennom samtalar med van der Hagen får lesaren ta fylgje med forfattaren gjennom desse bøkene, og hans særeigne blikk på samfunnet og tida.

Lesaren blir som ein fluge på veggen som tek del i samtalene rundt raudvinsflaskene og Alf van der Hagen gjer desse kveldane i Hamburg om til ein fengjande og lettlesen bok. Den tilrådast alle med interesse for Ingvar Ambjørnsen, norsk litteratur eller den gode samtalen.

Tilrådinga er gitt av Odd Harald på Austevoll folkebibliotek.

 

Heilt sidan Ambjørnsen sin debut i 1981 har han skrive fram karakterar som står på kanten eller på utsida av samfunnet, karakterar prega av angst og psykisk uro, rus og einsemd. Med varme og humor har han skrive om venskap, utanforskap, solidaritet og sterke naturopplevingar, og bøkene hans har blitt høgt elska av både unge og vaksen lesarar. Alf van der Hagen si samtaleboka er det nærmaste me kjem ein sjølvbiografi frå Ingvar Ambjørnsen, som i dag er alvorleg sjuk. Gjennom ni lange kveldar og netter i Hamburg har han fortalt frå sitt forfattarskap og sitt liv. Eit god innblikk i ein stor forfattar sitt liv.

Omtalen er skrive av Øystein på Bømlo folkebibliotek

Kategorier: 

Boktips til vaksne, 

E-bok