Mordene på Fleathouse

Den kjende forfattaren Lucinda Riley har slått til igjen.  Denne gongen med ein gnistrande krim roman.  Handlinga i boka utspeler seg på ein engelsk kostskule med navn St. Stephens. Ein av elevane vert funne død på skulen og gamle hemmelegheiter vart vekka til live igjen.

Etterforskar Jazmine `Jazz` Hunter har eigentleg slutta i politiet men let seg overtala til å kome tilbake for å etterforske det mystiske dødsfallet. Etterkvart som etterforskinga skrid frem går det opp for Jazz at det er fleire personer på St. stephens som sitt inne med hemmelegheiter  dei ikke ønskjer at skal kome fram. Men det er nettopp i desse hemmelighetane ho må grave for å finne løysinga på gåten.  Då eit makabert funn vart gjordt ved skulen skjønnar Jazz at ho må skunde seg vis ho vil forhindre at fleire mord vert begått.

I denne boka tar Lucinda med seg lesaren inni ein nervepirrande historie som er vanskeleg å leggje frå seg. Ho diskar opp med uventa vendingar og holdar lesaren på pinebenken heilt til siste slutt.

Boktipset er skrive av Silje på Fitjar folkebibliotek

Kategorier: 

Boktips til vaksne, 

E-bok